هێزەکانی خۆڕاگری هۆشداری توند دەدەن: پلانی داگیرکاری غەززە دەبێتە تاڵاوێکی نوێ

گروپەکانی بەرخۆدانی فەلەستین لە کاردانەوە بە هەڕەشەکانی نەتانیاهۆ بۆ داگیرکردنی تەواوەتی غەززە بەیاننامەیەکی هاوبەشیان بڵاوکردەوە و ڕایانگەیاند، "ئەمە ڕاگەیاندنی جینۆسایدە و تێچووی قورسی دەبێت، غەززە لە تەلئەبیب و لە پایتەختە بیانییەکانەوە بەڕێوەناچێت."
گروپەکانی بەرخۆدانی فەلەستین سەبارەت بە لێدوانەکانی بنیامین نەتانیاهۆ، سەرۆکی رژیمی سەهیۆنی سەبارەت بە داگیرکردنی تەواوەتی کەرتی غەززە و پلانە دزەپێکراوەکانی حکوومەتی غەززە، ڕاگەیەندراوێکی توندیان بڵاو کردەوە.
لە ڕاگەیەندراوەکەدا جەخت لەوە کراوەتەوە کە ئەم هەڕەشەیانە لاوازیی رژێمی داگیرکەری چ لە ڕووی سیاسی و چ لە ڕووی زەمینەوە دەردەخەن و داگیرکەر کە نزیکەی دوو ساڵە سەرەڕای هەموو دڕندەیی و پشتیوانە ئیمپریالیستەکانی نەیتوانیوە ئامانجەکانی خۆی بگات، ئێستا بە ئاشکرا نیازی جینۆسایدی خۆی ڕادەگەیەنێت.
هێزەکانی بەرخۆدان هۆشدارییان دا کە هەڕەشەی داگیرکاری تەواو تەنیا هەوڵێکە بۆ ناچارکردنی خەڵک و بەرخۆدان بۆ تەسلیمبوون، بەڵام باجەکەی زۆر قورس دەبێت و ڕایانگەیاند، "غەززە پارچە زەوییەکی چۆڵ نییە؛ خاکی بەرخۆدان و ئاودانی خوێنی شەهیدانە و بە دەستی موجاهیدەکان بەرگریی لێدەکرێت. هەوڵێکی نوێی داگیرکەر دەبێتە تاڵاوێک بۆ داگیرکەر و ئەویش تێیدا دەسووتێت و دەبێتە خۆڵەمێش."
"غەززە تەنها بە ئیرادەی گەلەکەی بەڕێوەدەچێت"
هەروەها لە بەیاننامەکەدا جەخت لەوە کراوەتەوە کە نەتانیاهۆ بۆ پەردەپۆشکردنی شکستە سەربازی و سیاسییەکانی "وەهمەکانی کۆنترۆڵکردن" هەڵدەبەستێت، بەڵام غەززە ناتوانرێت لە تەلئەبیب و هیچ پایتەختێکی دیکەوە بەڕێوەبچێت.
گروپە خۆڕاگریەکان ڕایانگەیاند کە گەلی فەلەستین لە تێکۆشانی خۆیاندا یەکگرتوون و هەر هەوڵێکی داگیرکاری وەک ڕابردوو شکست دەهێنێت.
هەروەها لە بەیاننامەکەدا ئاماژە بە پرسی زیندانیان کراوە و تێیدا هاتووە کە خەونی رژێمی سەهیۆنی بۆ ڕزگارکردنی دیلەکانی لە ڕێگەی سەربازییەوە وەهمێک بووە و "ئەو ئەسیرانەی کە لە لایەن حەماسەوە دەستبەسەرن، تەنیا لەسەر مێزی دانوستان و لە بەرامبەردا باجێکی زۆر قورس ئازاد دەکرێن."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لایەنگرانی حزب الله و بزووتنەوەی ئەمەل ڕژانە سەر شەقامەکان و ناڕەزایەتیان دەربڕی بەرامبەر بە پلانی "تەسلیمکردنی چەک بە دەوڵەت"ی حکومەتی لوبنان کە لەلایەن ئەمریکاوە پاڵپشتی دەکرێت. خۆپیشاندەران ڕایانگەیاندووە کە حکومەت کڕنۆشی بۆ رژێمی سەهیۆنی و ئەمریکا داناوە.
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٤ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٢٠١ کەس کە ٩٨یان منداڵن.
لە دوو ڕۆژی ڕابردوودا چین تووشی وشکەساڵییەکی سەخت بووە و بەهۆیەوە لافاو و زەوی لەرزین ڕووی دا و ١٠ کەس گیانیان لەدەستدا و ٣٣ کەسیش بێسەروشوێنن.
بزووتنەوەی جیهادی ئیسلامی پەیامی سەرەخۆشی بۆ تیرۆرکردنی ئەبو خەلیل ویشا ئەندامی کۆمینتەی ناوەندی بەرەی جەماوەری و موفید حەسەن لە لوبنان لە هەوڵی تیرۆرکردنی سەهیۆنی بڵاوکردەوە. بزووتنەوەکە ئاماژەی بەوەدا کە ئەم جۆرە هێرشانە تەنیا ئیرادەی بەرخۆدانی فەلەستین زیاتر دەکات.